تفصیلات کے مطابق ٹاؤن سے تین کلومیٹر دور نودل کے مقام پر ایک ندی پر چند لوگوں کی جانب سے ناجائز قبضہ جمانے کی شکایات کے بعد یہاں انہدامی مہم شروع کی گئی جس دوران ایک دکان سمیت کئی ڈھانچے منہدم کیے گئے۔
ترال کے نودل میں ندی پر کھڑے ڈھانچے کو مسمار کیا گیا
تاہم انہدامی مہم سے متاثر مقامی جاوید احمد نے انتظامیہ پر الزام عائد کیا کہ وہ غیر جانبداری سے کام لے رہا ہے کیونکہ اثر و رسوخ والے افراد کو نہیں چھیڑا جا رہا ہے اور مار غریبوں کو جھیلنی پڑ رہی ہے۔
انہدامی مہم کی قیادت کر رہے ایڈیشنل ڈپٹی کمشنر ترال شبیر احمد رینہ نے میڈیا کو بتایا کہ 'اس ندی سے ایک وسیع اراضی کو آبپاشی ہوتی ہے اور اس پر ڈھانچے تعمیر کرنے سے ندی کی ہیئت ہی بدل گئی تھی، انہوں نے مزید بتایا کہ انتطامیہ کہچرائی پر قبضہ جمانے کی اجازت نہیں دے گی اور یہ مہم جاری رہے گی۔
