وادیٔ کشمیر کے دیگر علاقوں کی طرح سب ضلع ترال میں بھی لوگ عید کی خریداری میں مشغول نظر آئے۔ اس دوران بیکریوں، دکانوں، قصابوں اور ریڈی میڈ گارمنٹس کی دکانوں پر بھیڑ دیکھی گئی جب کہ کئی مقامات پر ٹریفک جام کے مناظر بھی دیکھے گئے۔ تاہم اب کی بار کورونا پابندیاں نہ ہونے کے باوجود ترال ٹاؤن میں روایتی چہل پہل مفقود نظر آئی اور لوگوں کی بڑی تعداد نے بازاروں کا رخ نہیں کیا جب کہ عام لوگوں نے محدود وسائل ہوتے ہوئے چھوٹے پیمانے پر خریداری کی۔ Decline in Eid shopping in Tral
- یہ بھی پڑھیں: Effect of Inflation: عید کی خریداری پر مہنگائی کی مار
ای ٹی وی بھارت کے ساتھ بات کرتے ہوئے لوگوں کا کہنا تھا کہ کورونا کی وجہ سے پوری دنیا کی طرح کشمیر وادی میں بھی لوگ اقتصادی بدحالی کے شکار ہو گئے ہیں اور اس پر طرہ یہ کہ آسمان چھوتی قیمتوں نے عام آدمی کی قوت خرید چھین لی ہے جس کی وجہ سے روایتی چہل پہل بازاروں سے مفقود ہے۔ اس بیچ اگرچہ بازاروں میں طرح طرح کے بیکری ایٹم اور مٹھائیاں دستیاب تھیں تاہم خریدار نہ ہونے سے دکاندار بھی پریشانیوں میں مبتلا نظر آئے۔ Shopkeeper upset over lack of Eid shopping in Tral
