ڈی ڈی سی ممبر ترال ڈاکٹر ہربخش سنگھ نے آج کویل شکارگاہ میں دیہی ترقی محکمہ کی طرف سے تعمیر کئے گئے کھیل کے میدان کا دورہ کیا اور میدان کی حد بندی کے حوالے سے افسران سے بات کی۔
ڈی ڈی سے ممبر نے کیا کویل اسٹیڈیم کا دورہ
کویل شکار گاہ میں بنے اس اسٹیڈیم کی تعمیر و تجدید کے حوالے سے دیہی ترقی اور وائلڈ لائف محکموں کے درمیان کچھ معاملات پر اختلافات پیدا ہو گئے تھے۔
ڈاکٹر ہر بخش سنگھ نے بلاک آفیسر ترال ڈاکٹر پرمروز اور وائلڈ لائف رینج آفیسر خورشید اقبال کے ساتھ باہمی مفاہمت کی اور اب دونوں محکموں کے درمیان اس حوالے سے کوئی کنفیوژن نہیں رہا۔
ای ٹی وی بھارت کے ساتھ بات کرتے ہوئے ڈاکٹر ہربخش سنگھ نے بتایا کہ اس کھیل گاہ کو جاذب نظر بنانے کے لیے تمام تر انتظامات کیے گئے ہیں اور علاقہ ترال کے کھلاڑیوں کے لیے انتظامیہ ہر ممکن تعاون دینے کے لیے تیار ہے۔
