احتجاجیوں نے مانگ کی کہ ان کے مطالبات پر ہمدردانہ غور کیا جائے۔
تفصیلات کے مطابق بجلی محکمے میں کام کر رہے درجنوں افراد آج اونتی پورہ میں جمع ہوے اور اپنی مانگوں کو لیکر احتجاج کیا اور نعرے بازی کی۔
مظاہرین 'ہم کیا چاہتے انصاف اور ڈی پی سی آرڈر کو اجراء کرنے کے حوالے سے نعرے بلند کر رہے تھے۔'
ملازمین کا کہنا تھا کہ وہ بجلی محکمہ کے ساتھ شانہ بشانہ کھڑے رہتے ہیں تاہم سرکار انکی مستقلی کے حوالے سے سنجیدہ نہیں ہے اور نہ ہی ان کو مستقل کیا جا رہا ہے'۔
میڈیا سے بات کرتے ہوئے سرکل پریزڈنٹ پلوامہ گلشن گوہر نے بتایا کہ ہماری مانگوں کے بارے میں سرکار پہلے ہی واقف ہے تاہم ہماری مانگ ہے کہ 14 جنوری 2019،کو ڈی پی سی ہوئ تھی اسکا آرڈر ابھی تک جاری نہیں کیا گیا جبکہ ناخیز ہوے یومیہ اجرتوں پر کام کرنے والے ملازمین بھی کئ سالوں سے تنخواہوں سے محروم ہیں انھوں نے ایل جی انتظامیہ سے اپیل کی کہ ان کے تمام مطالبات حل کیے جائیں۔
