ضلع پلوامہ کے ترال علاقے میں بھی سیوک ایکشن پروگرام کے تحت سینٹرل ریزرو پولیس 180 بٹالین کی جانب سے ایک میڈیکل کیمپ کا انعقاد کیا گیا۔ اس میں درجنوں افراد کا علاج معالجہ کیا گیا اور ان کو مفت ادویات فراہم کی گئی۔
س موقع پر عوام کو کورونا وائرس کے متعلق جانکاری فراہم کی گئی۔ اس کے علاوہ خط افلاس سے نیچے زندگی گزر بسر کرنے والے افراد میں راشن کٹس بھی تقسیم کیے گئے۔ عوام نے سی آر پی کے اس اقدام کی سراہنا کی اور امید ظاہر کی کہ ایسے پروگرام مستقبل میں بھی منعقد کیے جائیں گے۔
یہ بھی پڑھیں: منشیات کے خلاف طلبا میں بیداری کے لیے کیمپ کا انعقاد
اس موقع پر میڈیا سے بات کرتے ہوئے سی او 180 بٹالین رویندر کمار نے بتایا کہ سی آر پی ایف ہمیشہ عوامی فلاح وبہبود کیلئے تیار رہتی ہے اور آج سیوک ایکشن پروگرام کے تحت ایک مفت میڈیکل کیمپ کا انعقاد کیا تھا جس میں لوگوں کو مفت ادویات فراہم کرنے کے علاوہ انھیں کوڈ کے بارے میں جانکاری بھی دی گئی۔
ضلع کولگام میں سی آر پی ایف کی 18ویں بٹالین کی جانب سے مفت میڈیکل کیمپ کا اہتمام عمل میں لایا گیا۔ اس میں ڈاکٹروں اور نیم طبی عملہ کی خدمات حاصل کی گییں۔ اس موقعہ پر کمانڈنگ آفیسر رتُل نے کہا کہ میڈیکل کیمپ میں مفت ادویات اور علاج کا اہتمام عمل میں لایا گیا تاکہ لوگوں کو بہتر طبی سہولیات مہیا ہو سکے۔
