پلوامہ: سیویک ایکشن پروگرام کے تحت سی آر پی ایف (سی آر پی ایف) کی 130 بٹالین نے جنوبی کشمیر کے ہاری، پاریگام، اونتی پورہ میں ایک مفت طبی کیمپ کا اہتمام کیا۔ طبی کیمپ میں سینکڑوں مریضوں کا علاج و معالجہ کے ساتھ ساتھ انہیں مفت ادویات بھی فراہم کی گئی۔ علاوہ ازیں کیمپ میں آئے لوگوں کو سرما کے دوران صحت مند رہنے کے لیے ضروری جانکاری بھی فراہم کی گئی۔ 130 Bn CRPF organized Free Medical Camp
میڈیکل کیمپ میں شامل ہونے والے افراد نے سی آر پی ایف کے اس اقدام کو سراہتے ہوئے کہا کہ ’’ایسے کیمپ یہاں مستقبل میں بھی منعقد ہونے چاہئیں تاکہ غریب عوام کو فائدہ مل سکے۔‘‘ میڈیا سے بات کرتے ہوئے سی آر پی ایف 130 بٹالین کے کمانڈنگ آفیسر راجیو یادو نے بتایا کہ عوام کے اصرار پر انہوں نے ہاری، پاریگام علاقے میں پہلی مرتبہ میڈیکل کیمپ کا اہتمام کیا۔‘‘ CRPF Distributes Medicine During Medical Camp
سی او نے مزید کہا کہ طبی کیمپ کے دوران بیماروں کا ماہر ڈاکٹروں نے معائنہ کرنے کے علاوہ سی آر پی ایف کی جانب سے مفت ادویات بھی تقسیم کی گئیں۔ ان کا کہنا تھا کہ ’’امن وقانون کی ڈیوٹی کے ساتھ ساتھ سیویک ایکشن پروگرام منعقد کرنا ہمارا طرہ امتیاز ہے اور ہم ایسے اقدامات مستقبل میں بھی جاری رکھیں گے۔
مزید پڑھیں: Medical Camp in Pampore پانپور میں مفت طبی کیمپ کا انعقاد
دریں اثناء، سی آر پی ایف کی جانب سے شجر کاری مہم کا بھی اہتمام کیا گیا جس دوران ہاری، پاریگام میں کئی پودے لگائے گئے۔
