ضلع مجسٹریٹ پلوامہ نے سی آر پی سی، ڈیزاسٹر مینجمنٹ ایکٹ اور سیکشن 144 کے تحت احکامات کا استعمال کرتے ہوئے پلوامہ کے سات دیہات کو ریڈ زون قرار دیا ہے۔ ان دیہات میں کسی بھی فرد کو گھومنے پھرنے کی اجازت نہیں ہوگی اور لوگ اپنے گھروں پر قیام کر کے مکمل لاک ڈاؤن کو یقینی بنائیں گے۔
اس سلسلے میں ضلع مجسٹریٹ نے آج حکم جاری کیا ہے جس میں تحصیل راج پورہ کے گائوں خیام، سنگروانی، ابھامہ اور تحصیل پلوامہ کے گڈوڑہ، چاندگام، پنگلینہ اور پیرگام ریڈ زون کے زمرے میں آتے ہیں اور ان تحصیلوں کے ملحقہ دیہاتوں میں ریڈ زون جاری کیا گیا ہے۔ یہ اقدامات احتیاطی اور عام لوگوں کی بھلائی کے لئے اٹھائے گیے ہیں۔
اس سلسلے میں علاقے کے لوگوں سے اپیل کی گئی ہے کہ وہ حکومت کی جانب سے جاری کردہ تدابیر پر عمل کریں تاکہ کورونا وائرس کےمزید پھیلاؤ کو روکا جا سکیں۔
متعلقہ دیہاتوں کو ریڈ زون اور تحصیل پلوامہ اور تحصیل راج پورہ کے دیگر دیہاتوں کو بفر زون کے طور پر قرار دیا گیا۔ انتظامیہ کا مزید کہنا ہے کہ احکامات کی خلاف ورزی کرنے کی کوشش کرنے والے افراد کے خلاف سخت کارروائی عمل میں لائی جائے گی۔
