کوروناوائرس: ترال میں آئیسولیشن سنٹر قائم

کوروناوائرس کے تیزی سے پھیلائو کے باعث جہاں سرکاری سطح پر کئی اقدامات کیے جا رہے ہیں وہیں جنوبی کشمیر میں ضلع پلوامہ کے قصبہ ترال میں انتظامیہ کی جانب سے ایک آئیسولیشن سنٹر قائم کیا گیا ہے۔

قابل ذکر ہے کہ گزشتہ روز جموں و کشمیر کی انتظامیہ نے کوروناوائرس کے پھیلاؤ کے چلتے سبھی تعلیمی ادارے بند رکھنے کا اعلان کیا۔

جنوبی ضلع پلوامہ کے تحصیل ترال میں انتظامیہ نے کوروناوائرس کے بڑھتے پھیلائو اور احتیاطی اقدام کے طور پر قصبہ ترال میں قائم کیے گئے ڈرگ ڈی ایڈکشن سنٹر (Drug De-addiction Centre) کو آئیسولیشن سنٹر میں تبدیل کر دیا گیا ہے۔

اس ضمن میں تحصیل انتظامیہ کے کئی اعلیٰ افسران نے جمعرات کو آئیسولیشن سنٹر کا دورہ کرکے وہاں انتظامات کا جائزہ لیا۔

یاد رہے کہ عالمی ادارہ صحت کی جانب سے کورونا وائرس یعنی کووڈ-19 کو ’’عالمی وبا‘‘ قرار دیا گیا ہے۔