ترال کے امیرآباد علاقے میں سرچ آپریشن

سب ضلع ترال کے امیرآباد نامی گاوں کو سی آر پی ایف، فوج اور جموں و کشمیر پولیس کی خصوصی ٹیم ایس او جی نے علاقے کو محاصرے میں لیکر گھر گھر تلاشی کا سلسلہ شروع کیا ہے۔

تفصیلات کے مطابق گاوں میں عسکریت پسندوں کی موجودگی کے حوالے سے خفیہ اطلاعات ملنے کے بعد یہ محاصرہ شروع کیا گیا ہے- جس دوران ٹاؤن ترال کو جانے والی مین سڑک کے ساتھ ساتھ دیگر داخلی اور خارجی راستوں پر فورسز کی بھاری نفری تعینات کی گئی اور خانہ تلاشیوں کا سلسلہ شروع کیا گیا ہے-

آخری اطلاعات موصول ہونے تک سرچ آپریشن جاری ہے۔