سیکورٹی فورسز نے جموں و کشمیر کے جنوبی ضلع پلوامہ کے اونتی پورہ بیگ پورہ علاقے میں کارڈن اینڈ سرچ آپریشن شروع کیا ہے۔
اطلاعات کے مطابق مشترکہ فورسز بشمول سی آر پی ایف کی 82ویں بٹالین اور 55 آر آر، اونتی پورہ پولیس نے گاؤں میں مشترکہ طور پر سرچ آپریشن شروع کر دیا ہے۔
آخری اطلاعات ملنے تک گھر گھر تلاشی کاروائی جاری تھی۔
واضح رہے بیگ پورہ حزب المجاہدین کے اعلی کمانڈر ریاض نائکو کا آبائی گاؤں ہے۔
ادھر پلوامہ ضلع کے ترال سے دس کلومیٹر دور ناگہ بل ترال نامی گاؤں کو بھی سیکیورٹی فورسز نے محاصرہ میں لیا ہے۔
اطلاعات کے مطابق ایس او جی ترال، 180 بٹالین سی آر پی ایف اور 42 آر آر کو علاقہ میں عسکریت پسندوں کی موجودگی کی خفیہ اطلاع موصول ہونے کے بعد گاؤں کو محاصرہ میں لیا ہے۔ جبکہ تمام داخلی اور خارجی راستوں کو بند کر دیا گیا ہیں۔
مزید تفصیلات کا انتظار ہے۔
