ضلع پلوامہ کے اڈیتراگ علاقے میں محکمہ جنگلات کے ملازمین نے ایک مردہ تیندوے کو برآمد Carcass of Leopard Found in Pulwama کر کے فوری طور محکمہ کے اعلیٰ افسران کو مطلع کیا۔
ضلع پلوامہ کے اڈیتراگ جنگلات سے مردہ تیندوا برآمد
محکمہ وائلڈ لائف نے فوری طور ایک ٹیم علاقے میں روانہ کی، جنہوں نے باقیات کو اپنی تحویل میں لے کر موت کی وجہ پتہ لگانے کے لئے محکمہ اینیمل ہسبنڈری پہنچایا۔
محکمہ وائلڈ لائف کے ملازمین نے بتایا کہ تیندوے کے جسم پر زخموں کے نشانات موجود نہیں ہیں جس سے اندازہ لگایا جا سکتا ہے کہ تیندوے کی موت قدرتی طور واقع ہوئی ہے۔
محکمہ اینیمل ہسبنڈری کے ملازمین نے کہا کہ تیندوے کی موت کے حقائق معلوم کرنے کے لیے تیندوہ کا پوسٹ مارٹم کیا جا رہا ہے۔ انہوں نے کہا کہ تیندوے کی موت کی اصل وجہ پوسٹ مورٹم رپورٹ سامنے آنے کے بعد ہی واضح ہو پائے گی۔
