پلوامہ کے راجپورہ تحصیل میں بدھ کو گورنمنٹ ہائر سکینڈری سکول راجپورہ میں جن ابھیان کے تحت یومِ بلاک/بلاک دیوس پروگرام منعقد کیا گیا۔
پروگرام میں دور دراز علاقہ جات سے آئے ہوئے عوامی وفود نے ضلع کے مختلف محکمہ جات کے افسران کو اپنے اپنے علاقہ جات میں درپیش مشکلات کے بارے میں آگاہ کیا۔
اس موقع پر ضلع پلوامہ کے ڈپٹی کمشنر راگھو لنگر نے تحصیل کے مختلف افسران کو جلد سے جلد عوامی مشکلات کا ازالہ کرنے کی ہدایات دیں۔
بلاک دیوس کی اس تقریب میں ڈی سی، تحصیلدار راجپورہ سمیت مختلف محکمہ جات کے اعلیٰ افسران نے بھی شرکت کی۔
مزید پڑھیں: اودھم پور میں بھی بلاک دیوس منایا گیا
واضح رہے کہ یہ پروگرام بیک ٹو ولیج (مرحلہ سوم) سے پہلے منعقد کیے جا رہے ہیں تاکہ عوام اور افسروں کے بیچ میں ایک مضبوط روابط قائم کیے جا سکیں۔
یہ بھی پڑھیں: ڈی ڈی سی ڈوڈہ نے جن ابھیان کی عمل آوری کا جائزہ لیا
تحصیلدار راجپورہ نے ای ٹی وی بھارت کے ساتھ بات کرتے ہوئے کہا کہ ’’ایسے پروگرام لوگوں کو سہولیات بہم پہچانے کے لیے ہی منعقد کیے جا رہے ہیں اور اس پروگرام میں لوگوں کی کثیر تعداد دیکھنے کو ملی جنہوں نے اپنے مسائل سے متعلق انتظامیہ کو آگاہ کیا۔ ہم عوام کو درپیش مسائل کو جلد سے جلد حل کرنے کی کوشش کریں گے۔‘‘
