جنوبی کشمیر کے سب ڈسٹرکٹ اونتی پورہ میں کوروناوائرس کا دوسرا مریض سامنے آنے کے بعد پورے سب ڈویژن میں تشویش پائی جا رہی ہے۔ وہیں انتظامیہ نے جوبیارہ اونتی پورہ نامی گاؤں کو ریڈ زون قرار دیا ہے۔ جبکہ اونتی پورہ اور بارسو کو بفر زون قراد دیا گیا ہے۔
اونتی پورہ کا جوبیارہ گاؤں ریڈ زون قرار
واضح رہے کہ گزشتہ روز اس گاؤں سے ایک 65 سالہ بزرگ خاتون کا ٹیسٹ مثبت آیا جو کورونا کے ایک مثبت مریض کے ساتھ رابطے میں آئی تھی۔
اس دوران آج میونسپل کمیٹی اونتی پورہ کے اہلکاروں نے پورے جوبیارہ گاوں میں جراثیم کش ادویات کا چھڑکاؤ کیا۔
ادھر پرانی سرینگر جموں قومی شاہراہ پر جوبیارہ اونتی پورہ کے مقام پر خار دار تاریں بچھا دی گئی ہے اور کسی بھی شخص کو اندر یا باہر آنے کی قطعی اجازت نہیں دی جا رہی ہے۔ انتظامیہ نے قومی شاہراہ پر سفر کرنے والے افراد کو نئے راستے سے سفر کرنے کی ہدایات جاری کی ہیں۔
