ترال: محمد اشرف خان آر ای ٹی فورم زونل پریذیڈنٹ منتخب

رہبر تعلیم اساتذہ کی نمائندہ جماعت رہبر تعلیم ٹیچرس فورم جموں و کشمیر کی طرف سے ان دنوں وادی بھر میں زونل صدور کے لیے انتخابات منعقد ہو رہے ہیں۔

تفصیلات کے مطابق ترال تعلیمی زون کے لیے زونل صدر منتخب کرنے کے لیے ٹاون ہال ترال میں چناو منعقد ہوئے جہاں ترال زون سے وابسطہ رہبر تعلیم ٹیچرس نے محمد اشرف خان کو بلا مقابلہ اپنا زونل صدر منتخب کیا۔

اس موقع پر رہبر تعلیم ٹیچرس فورم کے سینئر عہدیدار اور زونل ایجوکیشن آفیسر ترال بھی موجود تھے۔ بعد ازاں ضلع صدر رہبر ٹیچرس فورم نے محمد اشرف خان کو مبارک باد پیش کی اور اسے حلف دلایا۔

نامہ نگاروں سے بات کرتے ہوئے نومنتخب صدر محمد اشرف خان نے بتایا کہ ترال جیسے دور افتادہ علاقوں کے سرکاری سکولوں میں زیر تعلیم طلباء کے لیے بہتر تعلیم وتربیت انکی ترجیحات میں شامل ہوگا کیونکہ سرکاری سکولوں میں زیر تعلیم طلباء زیادہ تر غرباء کے بچے ہوتے ہیں۔