ترال: اپنی پارٹی کے رہنما اوتار سنگھ نے اچانک پارٹی سے استعفیٰ دیکر سیاسی حلقوں میں ہلچل مچا دی ہے۔ تفصیلات کے مطابق اپنی پارٹی کے لیڈر جو کہ ترال کے ڈاڈسرہ سے ڈی ڈی سی ممبر بھی ہیں نے اپنی پارٹی سے استعفیٰ دیا ہے۔ اپنے استعفیٰ میں اوتار سنگھ نے پارٹی کے کچھ پالیسیز کے بارے میں اتفاقِ نہ ہونے کی وجہ سے پارٹی چھوڑنے کی بات کہی ہے،تاہم مبصرین کا ماننا ہے کہ اسمبلی انتخابات سے قبل اوتار سنگھ عام آدمی پارٹی یا کسی دوسری پارٹی میں جا سکتے ہیں۔Avtar Singh Resigned from Apni Party
فون پر ای ٹی وی بھارت کے ساتھ بات کرتے ہوئے اوتار سنگھ نے کہا کہ اپنی پارٹی نے انھیں عزت اور عہدہ تو دیا لیکن زمینی سطح پر اس پارٹی کا ڈھانچہ مضبوط نہیں ہو رہا ہے اور اسی لیے انہوں نے دو سال کے بعد پارٹی سے کنارہ کشی اختیار کی۔
ایک سوال کے جواب میں اوتار سنگھ نے بتایا کہ وہ یہ نہیں کہ سکتے کہ وہ مستقبل میں کس پارٹی کے ساتھ جائیں گے تاہم وہ جو بھی فیصلہ لیں گے اپنے عوام کو اعتماد میں لیکر ہی کریں گے۔ ان کا کہنا تھا کہ وہ ترال کی جامع ترقی کے لیے کام کرتے رہیں گے اور اس ضمن میں کوئی کوتاہی نہیں برتیں گے۔
مزید پڑھیں:
واضح رہے کہ اوتار سنگھ پہلے بی جے پی میں تھے جس کے بعد کانگرس میں چلے گے اور پھر اپنی پارٹی میں چلے گیے تھے۔
