'اپنی پارٹی کھوکھلے نعروں کے بجائے عملی سیاست پریقین رکھتی ہے'

اپنی پارٹی کے رہنما و ضلع صدر پلوامہ جی ایم میر نے اپنی پارٹی کے امیدوار کو ووٹ دینے کی اپیل کی۔

جموں و کشمیر میں انصاف کی بالا دستی کو قائم رکھنے کا عزم ظاہر کرتے ہوئے اپنی پارٹی کے رہنما اور ضلع صدر پلوامہ جی ایم میر نے کہا کہ' اپنی پارٹی کھوکھلے نعروں کے بجائے عملی سیاست میں یقین رکھتی ہے'۔ انہوں نے ہاری پاریگام کے ڈادسرہ بلاک سے ڈی ڈی سی انتخابات کے لیے اپنی پارٹی کے نامزد امیدوار نثار احمد شاہ کی حمایت میں لوگوں سے ووٹ ڈالنے کی اپیل کی۔

میڈیا سے گفتگو کے دوران جی ایم میر نے بتایا کہ' میں نے لوگوں سے اپنی پارٹی کو ووٹ دینے کی اپیل کی'۔

واضح رہے کہ یہاں دس دسمبر کو ووٹنگ ہو گی جس میں چھ امیدواروں کی قسمت کا فیصلہ ہوگا۔