جموں کے پونچھ کے مینڈھر سب ڈویژن میں ایک نوجوان گھر کی چھت سے گرنے کے بعد ہلاک ہوگیا۔ معلومات کے مطابق یہ نوجوان مینڈھر کی تحصیل بالاکوٹ کے گاؤں سندوت میں اپنے گھر پر کام کر رہا تھا، اچانک اوپر سے چھت گر گیا اور شدید زخمی ہوگیا۔
اہل خانہ نے فوری طور پر زخمی نوجوان کو پرائمری ہیلتھ سنٹر دھارگلون پہنچایا جہاں ڈاکٹروں نے اسے مردہ قرار دے دیا۔
ہلاک شدہ نوجوان کی شناخت سیف الاسلام ولد رقیب خان (22) ساکن سندوت کے نام سے ہوئی ہے۔ جیسے ہی اس نوجوان کی موت کی خبر گاؤں پہنچی لوگوں میں سوگ کی لہر دوڑ گئی۔
اس کی تصدیق مینڈھر کے بلاک میڈیکل آفیسر ڈیر پرویز خان نے کی ہے۔ اسی دوران ڈاکٹروں نے تحریری دستاویزات کے ساتھ نعش لواحقین کے حوالے کردی۔
