پونچھ میں جنگ بندی کی خلاف ورزی

ضلع پونچھ کے بالاکوٹ سیکٹر میں پاکستان کی طرف سے جنگ بندی کی خلاف ورزی کی گئی ہے۔ وہیں بھارتی فوج کی جانب سے پاکستانی فوج کی گولہ باری کا موثر جواب دیا جارہا ہے۔

جموں و کشمیر کے سرحدی ضلع پونچھ کے بالاکوٹ سیکٹر میں لائن آف کنٹرول (ایل او سی) کے قریب پاکستانی فوج کی جانب سے جنگ بندی معاہدے کی خلاف ورزی کی گئی ہے۔

پاکستانی فوج کی جانب سے بھارتی فوجی چوکیوں اور رہائشی علاقوں کو نشانہ بنا کر زور دار گولہ باری کی گئی، جس کا بھارتی فوج نے موثر جواب دیا۔

ابھی تک گولہ باری کی وجہ سے کسی بھی جانی و مالی نقصان کی اطلاع موصول نہیں ہوئی ہے اور گولہ باری جاری ہے۔

وہیں پولیس کے ایک اعلی افسر نے بتایا 'بالاکو ٹ سیکٹر میں پاکستانی فوج کی جانب سے جنگ بندی معاہدے کی خلاف ورزی کر تے ہوئے گولہ باری کی جارہی ہے، وہیں بھارتی فوج کی جانب سے بھی فائرنگ کا معقول جواب دیا جارہا ہے'۔

انہو ں نے بتایا 'ابھی تک کسی بھی جانی و مالی نقصان کی خبر موصول نہیں ہوئی ہے'۔

انہوں نے مزید بتایا 'میری سبھی لوگوں سے گذارش ہے کہ وہ اپنے گھروں سے باہر نہ نکلیں اور کسی بھی جانی و مالی نقصان سے بچیں'۔