پونچھ میں پیر سید اطہر شاہؒ کا عرس منایا گیا

عاشقان اولیاء نے صبح قرآن خوانی کے بعد ذکر و اذکار کی محفل کا انعقاد کیا۔ جبکہ علمانے اولیاء سے متعلق اہم بیانات پیش کئے۔

جموں و کشمیر کے ضلع پوچنھ کی منڈی مرکزی جامع مسجد شریف رضائے مصطفیٰ منڈی میں پیر سید اطہر شاہؒ کی وفات کے موقع پر انہیں خراج عقیدت پیش کیا گیا جس میں منڈی اور دیگر علاقوں سے آئے ہوئے سینکڑوں عقیدت مند موجود تھے۔

عاشقان اولیاء نے صبح قرآن خوانی کے بعد ذکر و اذکار کی محفل کا انعقاد کیا۔ جبکہ علمانے اولیاء سے متعلق اہم بیانات پیش کئے۔ پروگرام کی صدارت مولانا سید فضل حسین رضوی نے کیا۔ اس موقع پر مولانا جاوید احمد نوری، مولانا مفتی غلام محمد کے علاوہ علمانے شرکت کی۔ عرس کے بعد عوام الناس میں تبرکات بھی تقسیم کئے گئے۔ مولانا سید فضل حسین اور تنظیم کے جنرل سیکرٹری ڈاکٹر غلام عباس نے تمام علماء کرام اور عوام الناس کا اس تقریب میں شرکت پر شکریہ ادا کیا ہے۔