پونچھ اور راجوری اضلاع کو براہ راست کشمیر سے جوڑنے والی تاریخی مغل روڈ پر بھاری برفباری کے بعد گذشتہ چار ماہ سے اسے آمد و رفت کے لئے بند کر دیا گیا تھا۔ اس پر دوبارہ آمد و رفت بحال کرنے کے لئے پی ڈبلیو ڈی میکینیکل ونگ کی جانب سے مغل روڈ پر برف ہٹانے کا کام جنگی سطح پر کیا جا رہا ہے۔
مغل روڈ پر برف ہٹانے کا کام جاری
بھاری برفباری کے بعد گذشتہ چار ماہ سے اس شاہراہ پر آمد و رفت کی سہولیات متاثر تھی، حالانکہ مغل روڈ پر برف ہٹانے کا کام گذشتہ کچھ ہفتے سے تیزرفتاری سے کیا جا رہا ہے۔
پی ڈبلیو ڈی مکینیکل ونگ کے ذریعہ مغل روڈ پر ٹریفک کی بحالی کے لئے سنو کٹر، جے سی بی، بلڈوذر سے ملازمین شاہرہ سے برف ہٹانے کا کام کر رہے ہیں۔ رتا چھم علاقے سے آگے تک شاہرہ سے برف ہٹائی جا چکی ہے۔
اس سال ملازمین کو شاہرہ سے برف ہٹانے کے لئے بھاری پریشانی کا سامنا کرنا پڑ رہا ہے۔
