ڈاک بنگلو منڈی کی شان رفتہ بحال کرنے کا مطالبہ

سرحدی ضلع پونچھ میں واقع ڈاک بنگلو منڈی میں سیاحوں اور دیگر سرکاری مہمانوں کے لیے بیٹھنے کا معقول انتظام نہیں ہے۔ وہیں، ڈاک بنگلو میں صفائی ستھرائی پر بھی خاص توجہ نہیں دی جا رہی ہے۔

محکمہ تعمیرات عامہ کے زیر اہتمام ڈاک بنگلو منڈی خوبصورت اور دلکش آباشار کے نزدیک واقع ہے۔ تاہم ڈاک بنگلو میں مناسب و معقول انتظامات نہ ہونے اور صفائی ستھرائی کے فقدان پر مقامی لوگوں نے ناراضگی کا اظہار کیا ہے۔

مقامی لوگوں نے بتایا کہ کئی سال قبل ڈاک بنگلو کی تعمیر جدید کا کام مکمل کرنے کے بعد محکمہ تعمیرات عامہ نے ڈاک بنگلو کو مزید مزین اور پر کشش بنانے کے لیے کوئی بھی کام سرانجام نہیں دیا۔

انہوں نے کہا کہ ڈاک بنگلو میں بیٹھنے کے لیے پارک نہیں ہے جس سے یہاں آنے والے سیاحوں کو دقتوں کا سامنا کرنا پڑ رہا ہے۔