اس اجلاس میں کورونا وائرس کے پیش نظر تمام تر انتظامات کا جائزہ لیا گیا اس موقع پر جموں و کشمیر پولیس کے ضلع ہیڈ کوارٹر اور ایس ایچ او منڈی بشیر کوہلی عوام کے روبرو موجود رہے۔ اس دوران کورونا وائرس کے پیش نظر نئی ھدایات جو سرکار کی جانب سے جاری کی گئی ہیں، گائڈ لائنس سے تمام کو واقف کروایا ساتھ ہی ان پر سختی سے عمل کرنے پر زور دیا گیا ۔انہوں نے کہا کہ جو لوگ جہاں ہیں وہیں جمعہ اور جماعت کا اہتمام کریں منڈی میں آنے سے سخت گریز کریں۔
اس کے ساتھ ساتھ انہوں نے ائمہ مساجد پر زور دیا کہ وہ اپنے حلقہ اور مساجد میں لوگوں کو ماسک پابندی سے پہننے، سماجی دوری بنائے رکھنے پر آمادہ کریں تاکہ اس کورونا کی دوسری لہر کو روکا جاسکے۔ جبکہ معززین کے ساتھ ساتھ منڈی کی جامع مساجد کے ائمہ کرام نے بھی اس میں شرکت کی۔
تمام حاضرین نے یقین دلایا کہ انتظامیہ کی جانب سے جاری کی گئی ھدایات پر سختی سے عمل کیاجائےگا۔ اس موقع پر چودھری نواز احمد نے بات کرتے ہوئے کہا کہ کورونا وائرس کے متعلق جو ھدایات ہمیں ملی ہیں اسی کے تعلق سے یہاں میٹنگ منعقد کی تاکہ عوامی نمائندوں کو ان ھدایات سے آگاہ کیا جاسکے۔
انہوں نے ذرائع ابلاغ کے ذریعہ منڈی لورن ساوجیاں و دیگر علاقوں کی عوام سے اپیل کی کہ وہ اس بیماری سے بچنے کے لئے پولیس طبعی عملہ کی مدد کریں ۔اور جو ھدایات بھی دی جائیں ۔ان کا سختی سے اہتمام کریں ورنہ ہم نقصان اٹھا سکتے ہیں۔
