پونچھ میں بھارت اور پاکستان کے مابین کشیدگی کے بیچ آج صبح ایک مرتبہ پھر دیگوار سیکٹر لائن آف کنٹرول پر آر پار آتشی گولہ باری ہوئی جس دوران چھو ٹے اور درمیانہ درجے کے ہتھیاو ں کے ساتھ ساتھ مارٹر شیلنگ بھی ہوئی۔
ایل او سی پر مسلسل جنگ بندی معاہدے کی خلاف ورزی کے پیش نظر لوگوں میں خوف و ہراس کی لہر دوڑ گئی جبکہ سرحدوں کے قریب رہائش پذیر لوگ نقل مکان کرنے کی سوچ رہے ہیں ۔
فوجی ذرائع کے مطابق برصغیر کی دو ایٹمی طاقتوں کی افواج کے درمیان گولہ باری تھمنے کا نام نہیں لے رہی ہے جبکہ آج صبح سرحدی ضلع پونچھ کے دیگوار سیکٹر میں پا کستانی افواج نے چھو ٹے اور درمیانہ درجہ کے ہتھیاوں کا استعمال کیا۔
فائرنگ اور گولہ باری کا سلسلہ آج صبح شروع ہو گیا تھا۔
تاہم ابھی تک کسی بھی جانی اور مالی نقصان کی کوئی اطلا ع نہیں ملی ہے۔
پو لیس ذرائع نے بتایا کہ پاکستانی فوج نے پونچھ کے دیگوار سیکٹر میں جنگ بندی کی خلاف ورزی کرتے ہوئے بھارت کی اگلی چوکیوں کو نشانہ بنانے کی غرض سے فائرنگ کی اور مارٹر کے گولے بھی داغے۔
انہوں نے بتایا کہ پاکستانی فوج نے شہری آبادی والے علاقوں پر بھی گولہ باری کی، تاہم بھارتی فوج نے بھی پا کستانی فائرنگ کا معقول جواب دیا۔
انہوں نے کہا کہ پاکستان کی گولہ باری کے باعث اِس پار کوئی جانی ومالی نقصان نہیں ہوا۔
و اضح رہے کہ گز شتہ ایک ہفتے سے لگا تار پا کستانی افواج نے ضلع پو نچھ کے متعدد سیکٹروں میں بھی گولہ باری کر رہی ہے ۔
