پونچھ میں سڑک حادثہ، ایک ہلاک، دو زخمی

جموں و کشمیر کے ضلع پونچھ میں مواقع مینڈھر علاقے میں ایک سڑک حادثے میں ایک نوجوان ہلاک اور دو دیگر زخمی ہو گئے۔

مینڈھر سے 15 کلو میٹر کی دوری پر واقع اچھاد کے مقام پر ماروتی گاڑی حادثہ کا شکار ہوگئی جس کے نتیجے میں ایک نوجوان ہلاک جبکہ دیگر دو افراد زخمی ہوئے ہیں۔

پو لیس زرائع کے مطابق مینڈھر سے سلانی جا ریی ماروتی گاڑی اچھاد کے مقام پر حادثہ کا شکار ہو گئی جس کے نتیجے میں عطا محمد ولد شاہ محمد موقع پر ہلاک ہو گیا جبکہ شاہ محمد ولد عبدالرزاق اور سلیمہ بی زوجہ منظور حسین سکنہ سلانی زخمی ہوئے۔

زخمی افراد کو فوری طور پر لوگوں سے سب ضلع ہسپتال مینڈھر پہنچایا گیا جہاں پر وہ زیر علاج ہیں، جبکہ حادثہ میں ہلاک ہونے والے نوجوان کا سب ضلع ہسپتال مینڈھر میں پوسٹ مارٹم کر نے کے بعد لاش کو آخری رسومات کے لئے لواحقین کے حوالے کر دیا گیا ہے۔

مینڈھر پولیس نے اس ضمن میں معاملہ بھی درج کر لیا ہے۔