شہید روہت میموریل ٹرسٹ بھارتی فوج کی 5/8 جی آر بٹالین کی جانب سے چلایا جا رہا ہے اور آج اس نئے شعبے کا افتتاح کیا گیا۔
افتتاحی تقریب میں فوج کی 5/8 جی آر بٹالین کے کمانڈنگ افسر ایس ایس رائے مہمان خصوصی کی حیثیت سے شریک ہوئے۔ اس موقع پر مقامی نوجوان طلبا و طالبات کی کثیر تعداد نے شرکت کی اور فوج کا شکریہ ادا کیا۔
ایس ایس رائے نے کہا کہ اس شعبہ کو شروع کرنے کا مقصد نوجوانوں کو الیکٹریشن کی تربیت فراہم کرنا ہے تاکہ انہیں روزگار فراہم کیا جاسکے۔ کمانڈنگ افسر نے ٹرسٹ کے ممبران اور بچوں کو مبارک باد پیش کرتے ہوئے ٹرسٹ کے بارے میں تفصیلات بتائیں۔
انہوں نے امید ظاہر کی کہ فوج کے تعاون سے یہ ٹرسٹ یہاں کے نوجوانوں کو روزگار فاہم کرنے میں بہتر ثابت ہوگا۔
واضح رہے کہ فوج کی جانب سے چلائے جا رہے اس ٹرسٹ میں پہلے سے ہی سلائی اور کمپیوٹر کی تربیت دی جارہی ہے۔
