پونچھ: ہولی کا تہوار دھوم دھام سے منایا گیا

جموں و کشمیر کے ضلع پونچھ میں ہولی کا تہوار بڑے ہی دھوم دھام سے منایا گیا جہاں ضلع ترقیاتی کمشنر اور ایس ایس پی بھی شریک ہوئے۔

ملک بھر کی طرح سرحدی ضلع پونچھ میں رنگوں کا تہوار بڑے ہی دھوم دھام کے ساتھ منایا گیا۔

صبح سے ہی بچوں کی ٹولیاں رنگ لے کر گھروں سے ہولی منانے کے لیے نکلے۔ گلی محلے میں نکل گئے اور ایک دوسرے کو رنگ لگا کر خوب مستی کرتے نظر آئے۔

وہیں سناتن دھرم سبھا کمیٹی کی پونچھ کی جانب سے گیت بھون میں ایک خاص تقریب کا اہتمام کیا گیا تھا جس میں ضلع ترقیاتی کمشنر اندرجیت اور ایس ایس پی پونچھ ڈاکٹر ونود کمار کے علاوہ سیاسی پارٹیوں کے رہنماؤں نے بھی شرکت کی۔

اس موقع پر ضلع ترقیاتی کمشنر اندرجیت نے ہولی کی مبارک باد دیتے ہوئے کہا کہ کووڈ۔19 سے حفاظت کے لیے انتظامیہ کے ذریعے جاری گائیڈ لائن پر عمل کرتے ہوئے تہوار کو منائیں۔