ضلع ترقیاتی کمشنر اور ایس ایس پی نے مغل شاہراہ کا دورہ کیا

ضلع پونچھ اور ضلع راجوری کو وادی سے ملانے والی مغل شاہراہ پر برف صاف کردی گئی ہے۔

اس شاہراہ کا جائزہ لینے کے لیے ضلع ترقیاتی کمشنر پونچھ و ایس ایس پی پونچھ پیر گلی مقام پر پہنچے۔

اس حوالے سے ضلع ترقیاتی کمشنر پونچھ نے کہا کہ سڑک سے برف ہٹا دی گئی ہے۔ ابھی چند مقامات سے سڑک کو کشادہ کرنے کے لیے برف ہٹانا باقی ہے۔

انہوں نے کہا کہ جوں ہی سڑک گاڑیوں کی آمدورفت کے قابل ہوگی مسافروں کو سفر کرنے کی اجازت دی جائے گی۔