پونچھ: فائرنگ سے متاثر افراد کے لیے مالی امداد

جموں و کشمیر کے پونچھ میں لائن آف کنٹرول پر ہونے والی فائرنگ سے متاثر ہونے والے افراد کی مالی مدد کی گئی

تفصیلات کے مطابق ڈپٹی کمشنر پونچھ راہول یادو نے بدھ کے روز سرحد پار سے ہونے والی گولہ باری کے متاثرین کو ریلیف فراہم کیا۔

ڈی ڈی سی کے ہمراہ سینئر سپرنٹنڈنٹ پولیس رمیش انگلال ایس ڈی ایم مینڈھر ساحل جنڈیال ، ایس ڈی پی او مینڈھر نیرج پڈیار اور دیگر متعلقہ افسران بھی موجود تھے۔ڈپٹی کمشنر نے گاؤں ساگرا تحصیل منکوٹ کی رہائشی خاتون ریشم بی کے لواحقین کو ریڈ کراس سے ایک لاکھ روپے کی امداد جو کہ پا کستانی فا ئرنگ سے ہلاک ہو گئی تھی جبکہ فائرنگ میں زخمی خاتون کے لو اخقین کو دس ہزار روپے کی امداد فراہم کی۔

ڈپٹی کمشنر نے متاثرہ خاندان سے بات چیت کرتے ہوئے ان کی خیریت دریافت کی اور یقین دہانی کرائی کہ ضلعی انتظامیہ پونچھ اس مشکل وقت میں ہمیشہ متاثرہ افراد اور ان کے اہل خانہ کے ساتھ ہے اور ان کی پریشانیوں کو دور کرنے کے لئے ہر ممکن اقدامات کرنے کی یقین دہانی کرائی ہے۔