سی ڈی پی او منڈی نعیم النساء بھٹی کی سربراہی میں آج آئی سی ڈی ایس عملہ جن میں سنیئر کلرک ریاض احمد قاضی جونیئر کلرک ریاض صابر کے علاوہ آنگن واڑی کے سپروائیزر، ورکرں اور ہلپروں نے شرکت کی۔
اس موقع پر ایک پروگرام کے بعد تحصیل کمپلکس منڈی کی مکمل طور صفائی کی گئی۔
اس موقع پر بلاک ڈویلپمنٹ چیرمین شمیم احمد گنائی نے بھی کہا سرکار کی جانب سے چلائی جارہی ان اسکیموں کو محض نمائیش نہیں بلکہ زمینی سطح پر عملی طور کام کرنے کی ضرورت ہے۔
ان کے ہمراہ تحصیلدار منڈی جاوید اقبال و دیگر سرپنچ اور مقامی لوگ بھی موجود تھے۔
اس موقع پر سی ڈی پی او منڈی نے میڈیا سے بات کرتے ہوئے کہا کہ یکم مارچ سے پندرہ مارچ تک سوچھتا پھکواڑا ابھیان چلے گا جس کے تحت ہم اپنے گھروں کی صاف صفائی کے ساتھ ساتھ مختلف مقامات پر صفائی ابھیان چلائیں گے اور اسی سلسلہ میں آج تحصیل کمپلکس منڈی کی مکمل طور صفائی کی گئی ہے۔
انہوں نے کہا پہلے گھر سے صفائی مہم کا آغاز کرتے ہیں اور جن کا گھر اور اپنا قرب و جوار صاف ہوگا تو لوگوں کو بھی اس مہم کی جانب راغب کیا جاسکتا ہے۔
انہوں نے کہا پندرہ مارچ تک مختلف مقامات پر اس مہم کے تحت لوگوں کو جانکاری کے ساتھ ساتھ عملی مشق بھی کرائی جائے گی انہوں نے تمام لوگوں کو اس مہم میں شریک ہونے کی اپیل کی ہے۔
