ڈمڈما کی اپنی رہائش گاہ میں مردہ پائے گئے اڈیشہ فینانس سرویس میں نئے بھرتی ہوئے افسر کی شناخت ابھیلاش سوروپ مہاپترا کے طور پر کی گئی اور اسے کچھ دنوں میں اڈیشہ سکریٹریٹ میں ڈیوٹی سنبھالنا تھا۔
پولیس کے مطابق کھدانگری پولیس اسٹیشن میں مہاپترا کی غیرفطری موت کا مقدمہ درج کیا گیا ہے جبکہ مہاپترا نے پھانسی لیکر خودکشی کرلی تھی۔
ڈپٹی کمشنر پولیس انوپ کمار ساہو نے بتایا کہ ابتدائی تحقیقات سے پتہ چلا ہے کہ ’کچھ خاندانی مسائل، خودکشی کی وجہ ہوسکتی ہے‘۔
پولیس نے مزید بتایا کہ پوسٹ مارٹم کے بعد مہاپترا کی لاش کو لواحقین کے حوالے کردیا گیا ہے۔
