حیدرآباد: ورلڈ کپ 2023 کے فائنل میں آسٹریلیا کے خلاف قابل ستائش کارکردگی کے باوجود ٹیم انڈیا کو شکست سے دوچار ہونا پڑا۔ بالی ووڈ کی متعدد مشہور شخصیات نے ٹیم انڈیا کے لیے سوشل میڈیا پر اپنی حمایت کا اظہار کیا۔ بالی ووڈ کی مشہور شخصیات جیسے کرینہ کپور خان، شاہ رخ خان، رنویر سنگھ کے ساتھ اسٹیڈیم میں بھی موجود تھے، ٹیم انڈیا کے ساتھ اپنی گہری وابستگی اور آسٹریلیا کو سخت مقابلہ دینے کے لیے دلی خواہشات کا اظہار کیا۔
ورلڈ کپ میں آسٹریلیا سے ٹیم انڈیا کی شکست کے بعد بالی ووڈ کی مشہور شخصیات نے ہندوستانی کرکٹ کھلاڑیوں کی ستائش کی۔ شاہ رخ خان، گوری خان، رنویر سنگھ، دیپیکا پڈوکون، آیوشمان کھرانہ، اور شانایا کپور سمیت کئی مشہور شخصیات ٹیم انڈیا کی حوصلہ افزائی کے لیے اسٹیڈیم میں موجود تھیں۔ اگرچہ ٹیم انڈیا نے آسٹریلیا کے خلاف غیر معمولی کارکردگی کا مظاہرہ کیا۔ لیکن ٹیم انڈیا یہ میچ چھ وکٹ سے ہار گئی۔ میچ ختم ہونے کے فوراً بعد بالی ووڈ کے متعدد ستاروں نے ٹیم انڈیا کی کوششوں کی ستائش کی اور ورلڈ کپ 2023 کے دوران ٹیم انڈیا کی اب تک کی کارکردگی پر فخر کا اظہار کیا۔
انسٹاگرام اسٹوریز پر کرینہ کپور خان نے لکھا کہ "ٹیم انڈیا کے لئے صرف محبت اور احترام۔ ٹیم انڈیا نے فائنل میں بہترین مظاہرہ کیا اور آسٹریلیا کو سخت ہدف دیا۔"
پین انڈیا اداکارپ رشمیکا منڈنا نے اپنے انسٹاگرام ہینڈل پر 'مین ان بلیو' کی تصویر شیئر کی اور لکھا "شکریہ۔" اسی طرح اداکار رنویر سنگھ نے ٹیم کی ستائش کرتے ہوئے لکھا کہ "کچھ اونچائیاں، کچھ پستی، کچھ اچھے دن، کچھ برے دن، کچھ جیت، کچھ ہار، یہ کھیل ہے، یہی زندگی ہے۔ ہم سب پریشان ہیں، لیکن آئیے ان سب کے لئے بہترین مظاہرہ کرنے پر تالیاں بجاتے ہیں"۔
اداکار اجے دیوگن نے ایکس پر لکھا کہ "ہندوستان، پوری چیمپئن شپ میں آپ کا غیر متزلزل جذبہ اپنے آپ میں ایک زبردست کامیابی تھی... اپنے سروں کو بلند رکھیں۔" کاجول نے انسٹاگرام پر شیئر کیا کہ "اچھا کھیلا، ٹیم انڈیا۔ آسٹریلیا کو ایک اور ورلڈ کپ پر مبارکباد!"
-
India, your relentless spirit throughout the championship was a victory in itself… Heads high 🇮🇳 #INDvsAUS #CWC2023Final pic.twitter.com/mfBnJFq1SE
— Ajay Devgn (@ajaydevgn) November 19, 2023 " class="align-text-top noRightClick twitterSection" data="
">India, your relentless spirit throughout the championship was a victory in itself… Heads high 🇮🇳 #INDvsAUS #CWC2023Final pic.twitter.com/mfBnJFq1SE
— Ajay Devgn (@ajaydevgn) November 19, 2023India, your relentless spirit throughout the championship was a victory in itself… Heads high 🇮🇳 #INDvsAUS #CWC2023Final pic.twitter.com/mfBnJFq1SE
— Ajay Devgn (@ajaydevgn) November 19, 2023
انوپم کھیر نے ٹیم انڈیا کی شکست پر اپنی والدہ کا ردعمل شیئر کیا۔ انہوں نے انسٹاگرام پر شیئر کیا کہ "ان میں سے ایک ٹیم کو جیتنا ہی تھا۔ آج کے کھیل کے بارے میں ماں کا تجزیہ! انہوں نے پورا میچ دیکھا۔ ان کے الفاظ فلسفیانہ اور تسلی بخش تھے۔ ان کی بات سنیں! ان کے الفاظ سے سکون ملے گا! تاہم میں اس سے انکار نہیں کر سکتا کہ دنیا بھر کے ہر ہندوستانی کی طرح میں بھی مایوس ہوں۔ ہم نے پورے ٹورنامنٹ میں غیر معمولی کارکردگی کا مظاہرہ کیا۔ واقعی چیمپئنز کی طرح کھیلا! ٹیم انڈیا آپ کا شکریہ۔ اس ورلڈ کپ کے دوران آپ نے ہمارے اندر جس خوشی اور فخر کا احساس پیدا کیا۔ جئے ہند!"
مزید پڑھیں: وزیراعظم مودی اور کانگریس رہنماوں کی آسٹریلیا کو مبارک باد، ٹیم انڈیا کی بھی ستائش
واضح رہے کہ یہ مقابلہ آئی سی سی ون ڈے ورلڈ کپ 2023 میں دوسری مرتبہ ہندوستان اور آسٹریلیا کے درمیان ہوا تھا۔ دونوں ٹیموں کے درمیان اس سے قبل 8 اکتوبر کو مقابلہ ہوا تھا۔ جس میں ہندوستان نے چھ وکٹوں سے کامیابی حاصل کی تھی۔ ہندوستان 2003 کے فائنل میں اپنی شکست کا بدلہ لینے کے ارادے سے چوتھی بار ون ڈے ورلڈ کپ کے فائنل میں داخل ہوا تھا۔ تاہم ٹیم انڈیا کو شکست کا سامنا کرنا پڑا۔
-
We played superbly throughout.
— Boman Irani (@bomanirani) November 19, 2023 " class="align-text-top noRightClick twitterSection" data="
They played superbly today!
👏👏👏👏👏👏👏#CWC23Final
">We played superbly throughout.
— Boman Irani (@bomanirani) November 19, 2023
They played superbly today!
👏👏👏👏👏👏👏#CWC23FinalWe played superbly throughout.
— Boman Irani (@bomanirani) November 19, 2023
They played superbly today!
👏👏👏👏👏👏👏#CWC23Final
خیال رہے کہ بالی ووڈ کی شخصیات کے علاوہ عام لوگوں اور سیاسی رہنماؤں نے بھی ٹیم انڈیا کی شکست اور آسٹریلیا کی کامیابی پر رد عمل کا اظہار کیا۔ وزیراعظم مودی، کانگریس صدر ملکارجن کھرگے اور راہل گاندھی نے ٹیم انڈیا کی ورلڈ کپ 2023 میں بہترین کارکردگی پر ستائش کی ہے۔
