مغربی بنگال میں ڈیزل کی قیمت ایک سو روپے سے زائد ہونے کے بعد پرائیوٹ بسوں کے مالکان نے احتجاجاً ایک دن کے لئے اپنی اپنی بسوں کو سڑکوں پر نہ اتارنے کا فیصلہ کیا ہے۔
ڈیزل کی قیمتوں کے خلاف پرائیویٹ بس مالکان نے ایک دن خدمات بند رکھنے کا فیصلہ کیا
ذرائع کے مطابق بنگال کے بیشتر اضلاع کولکاتا، شمالی 24 پرگنہ، جنوبی 24 پرگنہ، ہوڑہ، دارجلنگ، علی پور دوار، جلپائی گوڑی، سلی گوڑی، پرولیا اور جھالدہ میں ڈیزل کی قیمتوں کی سنچری مکمل ہو گئی ہے۔
گزشتہ سال سے ہی مغربی بنگال محکمہ ٹرانسپورٹ اور پرائیوٹ بس اور منی بس کے مالکان کے درمیان بس کے کرائے میں اضافے کو لے تنازع جاری ہے جس کا عام لوگوں پر راست اثر پڑنے لگا ہے۔
پرائیوٹ بس اور منی بس کے مالکان نے ڈیزل کی قیمتوں کی سنچری مکمل ہونے کی مخالفت کرتے ہوئے اپنی اپنی بسوں کو اتوار کے روز سڑکوں پر نہ اتارنے کی دھمکی دی ہے۔
