نوشاد پان فروش (Naushad Paan wala) نے اسے اس امید کے ساتھ لانچ کیا ہے کہ اس نایاب تحفے کو اگر کسی کو پیش کیا جائے تو یہ یادگار لمحہ ہمیشہ یاد رکھا جائےگا۔ دراصل ایک لاکھ روپے کا صرف پان ہی نہیں اس کے ساتھ محبت کا تاج محل بھی پیش کیا جاتا ہے۔
نوشاد کہتے ہیں کہ اس کی قیمت ایک لاکھ روپے (Paan Worth One Lakh) ہے لیکن بھارت میں ایک آئی فون کا تحفه دینے والا شخص اگر اس تحفے کو اپنے ہمدم کو دے تو یہ ہمیشہ اسی حالت میں رہےگا جبکہ موبائل فون کی زندگی محض ایک سے دو برس ہی رہتی ہے۔
واضح رہے کہ نوشاد نے اس سے پہلے تمباکو فری پان کے ساتھ بازار میں پان سے بنے پروڈکٹ کو لانچ کیا تھا۔ جس میں 100 سے زائد پان سے بنے پروڈکٹ پیش کئے جا رہے ہیں۔ صرف پان ہی نہیں بلکہ یہاں کی آئسکریم میں بھی پان کی آمیزش ہے۔ جس کے بعد نوشاد کی یہ دکان دی پان اسٹوری ہر جگہ موضوع بحث بنی۔
ای ٹی وی بھارت نے اس سے پہلے بھی ایم بی اے کی تعلیم حاصل کرنے والے نوشاد کی کہانی شائع کی تھی۔ ایم بی اے کی تعلیم حاصل کرنے والے نوشاد نے ملٹی نیشل کمپنی کی ملازمت چھوڈکر پان کے بنے سینکڑوں اقسام کے پروڈکٹ سے متعارف کرایا۔
یہ بھی پڑھیں: ایم بی اے کرنے والے نوجوان نے پان کی انوکھی دکان کھولی
کہا جاتا ہے کہ نوشاد ملک کے واحد ایسے پان فروش ہیں، جنہوں نے ایم بی اے کی تعلیم حاصل کر کے پان کے اس کاروبار میں اپنا ایک الگ مقام بنایا۔
