مہاراشٹر کے ضلع اورنگ آباد میں واقع سلوڑ نگر پریشد کے صفائی عملہ نے اپنے مطالبات کے پیش نظر پانی ٹنکی پر چڑھ کر آج انوکھا احتجاج کیا۔
اس دوران سلوڑ نگر پریشد کے صفائی ملازمین کا کہنا تھا کہ گزشتہ چھہ ماہ سے انہیں تنخواہ نہیں دی جارہی ہے جس سے ان کی زندگی بد سے بدتر ہوگئی ہے۔
ویڈیو
صفائی ملازموں نے بتایا کہ تنخواہ سے متعلق انہوں نے کئی بار نگر پریشد انتظامیہ میں شکایت کی لیکن کوئی حل نہیں نکلا جس کے بعد آج انوکھا احتجاج کرنا پڑا ہے۔
واضح رہے کہ اس احتجاج میں مرد و خواتین دونوں شامل تھے، احتجاج کرنے والوں کا کہنا ہے کہ جب تک تنخواہ نہیں مل جاتی تب تک پانی ٹنکی پر احتجاج جاری رہے گا۔
