مہاراشٹر: بی جے پی کا جلد حکومت بنانے کا دعویٰ

نشنلسٹ کانگریس پارٹی کے حکومت میں شمولیت کے انکار اور حزب اختلاف کا رول ادا کرنے کے اعلان کے بعد مہاراشٹر میں جاری سیاسی رسہ کشی ختم ہونے کے آثار ہے۔

بی جے پی کے سینیئر رہنما اور مرکزی وزیر نتن گڈکری نے کہا کہ مہاراشٹر میں وہ جلد ہی حکومت بنالیں گے۔

مہاراشٹر: جلد حکومت بنائی جائے گی

انہوں نے کہا کہ مہاراشٹر کے وزیر اعلی دیویندر فڑنویس کی رہنمائی میں حکومت بنائی جائے گی۔

انہوں نے مزید کہا کہ حکومت سازی کے عمل میں آر ایس ایس اور موہن بھاگوت کا کوئی کردار نہیں ہوگا۔

واضح رہے کہ مہاراشٹر کے اسمبلی انتخابات کے نتائج کا اعلان 24 اکتوبر کو کیا گیا تھا لیکن حکومت سازی کے لیے بی جے پی اور شیوسینا میں 50-50 کے فارمولے پر رسہ کشی جاری ہے۔