مہاراشٹرا کے وزیراعلیٰ ادھو ٹھاکرے نے کہا کہ کہ ’اگر لوگ ماسک نہیں پہنتے ہیں یا صحت کے قوانین پر عمل نہیں کرتے ہیں تو لاک ڈاون دوبارہ نافذ کردیا جائے گا‘۔ انہوں نے کہا کہ ضلعی اور پولیس انتظامیہ کو بغیر کسی نرمی کے سختی کے ساتھ لاک ڈاون کو نافذ کرنے کی ہدایت دی جائے گی۔
وزیراعلی نے مزید کہا کہ زندگی معمول پر آگئی ہے۔ پابندیوں میں نرمی کی گئی ہے لیکن افسوس کے ساتھ کہنا پڑ رہا ہے کہ ہر کوئی ایسے زندگی گذار رہا ہے، جیسے کورونا پوری طرح ختم ہوگیا ہے۔
انہوں نے عوام سے احتیاطی تدابیر پر سختی سے عمل کرنے کی ضرورت پر زور دیا۔ انہوں نے کہا کہ آپ کی لاپرواہی سے گھر میں موجود بزرگ لوگوں کی زندگی کو خطرہ لاحق ہوسکتا ہے۔
ٹھاکرے نے کاروباری تنظیموں، سیاسی، سماجی، ثقافتی انجمنوں کو آگے آکر عوامی مہم چلانے کی ضرورت پر بھی زور دیا۔ انہوں نے کہا کہ ’خاص طور پر شادی و دیگر تقریبات میں سماجی فاصلہ کو ہر حال میں برقرار رکھنا جانا چاہئے۔
