ممبئی: شیوسینا کے سربراہ نے کہا کہ 'گورنر بھگت سنگھ کوشیاری نے حدیں پار کر دی ہیں۔ انہیں اس کرسی کا احترام کرنا چاہیے جس پر وہ براجمان ہیں۔ انہوں نے بھگت سنگھ کوشیاری سے معافی کا مطالبہ کرتے ہوئے مزید کہا کہ اس قسم کی توہین ناقابل برداشت ہے۔ واضح رہے کہ گورنر بھگت سنگھ کوشیاری نے ممبئی کے مضافات اندھیری میں راجستھانی صنعت کار شانتی دیوی چمپا لال کوٹھاری کے نام سے ایک سڑک کو منسوب کرنے کی تقریب سے خطاب کرتے ہوئے کہا تھا کہ 'اگر عروس البلاد ممبئی اور اس سے متصل، تھانے ضلع سے گجراتیوں اور راجستھانیوں کو ہٹا دیا جائے تو ممبئی معاشی دارالحکومت نہیں رہے گی اور پیسوں سے خالی ہوجائے گی۔ گورنر کے اس بیان کی چوطرفہ مذمت کی گئی ہے اور اسے ریاست کے مراٹھی باشندوں کی توہین قرار دیا گیا ہے۔ Bhagat Singh Koshyari Controversial Statement
-
#WATCH | If Gujaratis and Rajasthanis are removed from Maharashtra, especially Mumbai and Thane, no money would be left here. Mumbai would not be able to remain the financial capital of the country: Maharashtra Governor Bhagat Singh Koshyari pic.twitter.com/l3SlOFMc0v
— ANI (@ANI) July 30, 2022 " class="align-text-top noRightClick twitterSection" data="
">#WATCH | If Gujaratis and Rajasthanis are removed from Maharashtra, especially Mumbai and Thane, no money would be left here. Mumbai would not be able to remain the financial capital of the country: Maharashtra Governor Bhagat Singh Koshyari pic.twitter.com/l3SlOFMc0v
— ANI (@ANI) July 30, 2022#WATCH | If Gujaratis and Rajasthanis are removed from Maharashtra, especially Mumbai and Thane, no money would be left here. Mumbai would not be able to remain the financial capital of the country: Maharashtra Governor Bhagat Singh Koshyari pic.twitter.com/l3SlOFMc0v
— ANI (@ANI) July 30, 2022
گورنر نے مارواڑی گجراتی برادری کی سشائش بھی کی تھی اور کہا کہ وہ جہاں بھی جاتے ہیں اس علاقے کی ترقی میں وہ ایک اہم کردار ادا کرتے ہیں خصوصی طور پر عوامی فلاح کے مختلف کام مثلاً ہسپتال و اسکول کا قیام ان کے مالی تعاون سے عمل میں آتا ہے۔ انہوں نے کہا کہ 'میں کبھی کبھی لوگوں کو بتاتا رہتا ہوں کہ اگر گجراتیوں اور راجستھانیوں کو مہاراشٹر سے نکال دیا جائے، خاص طور پر ممبئی اور تھانے سے تو آپ کے پاس کوئی پیسہ نہیں بچے گا۔ گورنر کے خطاب کا ویڈیو سوشل میڑیا پر وائرل ہورہا ہے اور ریاست کی اپوزیشن پارٹیوں نے اسے تنقتید کا نشانہ بنایا۔ شیوسینا اور کانگریس دونوں نے گورنر کے تبصرے پر ردعمل ظاہر کیا اور اسے مراٹھی برادری کی توہین قرار دیا۔
شیوسینا لیڈر سنجے راوت نے کہا کہ جیسے ہی بی جے پی کے زیر نگرانی وزیراعلیٰ اقتدار میں آتا ہے مراٹھی باشندوں کی توہین شروع ہوجاتی ہے۔ سنجے راوت نے ٹویٹ کیا کہ 'وزیراعلی ایکناتھ شندے، کم از کم گورنر کی مذمت کریں۔ یہ مراٹھی محنتی لوگوں کی توہین ہے۔ راوت نے گورنر کا ویڈیو بھی شیئر کیا۔
کانگریس لیڈر سچن ساونت نے بھی اس ویڈیو کو ٹویٹ کرتے ہوئے کہا کہ مہاراشٹر کے گورنر کی طرف سے مراٹھی لوگوں کی توہین تشویشناک ہے۔ نیشلسٹ کانگریس پارٹی نے بھی گورنر کے بیان کی مزمت کی ہے۔
