اڈیشہ اور پنجاب کے بعد اب مہاراشٹر کے وزیراعلی ادھو ٹھاکرے نے آج اعلان کیا ہے کہ ریاست میں لاک ڈاؤن کی مدت میں توسیع کی جاتی ہے اور یہ لاک ڈاؤن 30 اپریل تک نافذ رہے گا۔
مہاراشٹر کے وزیر اعلیٰ نے کہا کہ اگر حالات کنٹرول میں نہیں رہا تو اسے آگے بھی توسیع کیا جاسکتا ہے۔
اس سے قبل اڈیشہ کے وزیر اعلیٰ نوین پٹنائک اور پنجاب کے وزیر اعلیٰ امریندر سنگھ نے اپنی اپنی ریاستوں میں لاک ڈاؤن کی تاریخ میں توسیع کرتے ہوئے 30 اپریل تک کرچکے ہیں۔
خیال رہے کہ کورونا وائرس کے سب سے زیادہ مریض مہاراشٹر میں ہی ملے ہیں، یہاں اس مہلک وبا کے کل 1574 کیسز سامنے آئے ہیں جبکہ 110 افراد کی اس بیماری کے سبب موت واقع ہوئی ہے اور 188 افراد صحتیاب ہوئے ہیں۔
