اطلاعات کے مطابق شیوسینا کے سربراہ ادھو ٹھاکرے نے سکیورٹی وجوہات کی بنا پر ایودھیا کا اپنا طے شدہ دورہ منسوخ کردیا ہے۔
ایودھیا میں سکیورٹی خدشات کے سبب شیوسینا کے سربراہ کو سکیورٹی ایجنسی نے انہیں اس جگہ کا دورہ کرنے کی اجازت نہیں دی ہے۔
مہاراشٹر میں حکومت سازی میں تاخیر بھی ان کا دورہ منسوخ کرنے کی ایک وجہ ہے۔
نو نومبر کو ایک پریس کانفرنس میں ایودھیا رام جنم بھومی بابری مسجد تنازعہ کیس سے متعلق سپریم کورٹ کے فیصلے کی ستائش کرتے ہوئے ادھو نے کہا تھا کہ وہ 24 نومبر کو ایودھیا جائیں گے۔
9 نومبر کو سپریم کورٹ نے مرکز کو ہدایت کی کہ وہ پانچ ایکڑ زمین سنی وقف بورڈ کو دے اور ساتھ ہی ٹرسٹ تشکیل دے کر مندر کی تعمیر کے لیے ضروری انتظامات کرے۔
اس سال 16 جون کو ادھو اور ان کے بیٹے آدتیہ ٹھاکرے نے عارضی رام للا کے مقام پر پوجا کی تھی۔
جب کہ اس قبل 25 نومبر کو ادھو ٹھاکرے ایودھیا گئے تھے۔
