ڈمپر میں آگ لگانے کے بعد ناراض لوگوں نے رام نگر چاوندرا روڈ پر زبردست احتجاج کرتے ہوئے ڈمپنگ گراؤنڈ میں کچرا ڈالنے کی شدید مخالفت کی۔ شہریوں نے ڈمپر جلانے کے بعد میونسپل انتظامیہ کو انتباہ دیتے ہوئے کہا ہے کہ رام نگر واقع ڈمپنگ گراؤنڈ میں اب کسی بھی گاڑی کوکچرا ڈالنے نہیں دیا جائے گا۔
واضح ہوکہ بھیونڈی کارپوریشن کے مختلف علاقوں سے کچرا اٹھاکر شہر کے رام نگر واقع ڈمپنگ گراؤنڈ میں منگل کو کچرا ڈالنے گئے ایک بے قابو ڈمپرنے ہوٹل کے سامنے چائے پی رہے آٹھ افراد کوکچل دیا تھا۔ اس حادثہ میں دو افراد کی ل جائے حادثہ پر ہی موت ہو گئی تھی اور شدید زخمی چھ افراد کو مقامی ہسپتال میں داخل کرایا گیا ہے۔
وہی مقامی شہریوں کی جانب سے ڈمپر جلائے جانے سے ڈمپنگ گراؤنڈ میں کچرا ڈالنے کی مخالفت کرنے کے خوف کی وجہ سے کوئی بھی گاڑی ڈمپنگ گراؤنڈ میں کچراڈالنے کے لئے نہیں گئی۔جس کی وجہ سے شہر کے مختلف علاقوں میں کچر پڑا رہا۔
ڈمپنگ گراؤنڈ میں کچرا ڈالنے کے لئے گئے ڈمپر کو جلانے کی اطلاع ملتے ہی شانتی نگر پولیس اسٹیشن کی سینئر پولیس انسپکٹر ممتا ڈسوزا اور بھیونڈی تعلقہ پولیس اسٹیشن کے سینئر پولیس انسپکٹر سنجے ہزار جائے وقوعہ پر پہنچ کر ناراض لوگوں کو سمجھا بجھا کر واپس کیا۔
