ملک کی آزادی میں سینکڑوں لوگوں نے اپنی جانوں کی قربانی پیش کی تھی جن میں مہاراشٹر کے شہر مالیگاؤں کے سات شہیدوں کے نام قابل ذکر ہیں۔
وطن کے متوالے ان ساتوں شہیدوں نے اپنے ایمانی اور حب الوطنی کے جذبہ کے ساتھ انگریزی حکومت سے لوہا لیا اور جنگ آزادی میں اس فانی دنیا کو الوداع کہا تھا۔ قوم کے ایسے مرد مجاہد سات شہیدوں کی برسی کو آج 99 سال مکمل ہوگئے ہیں۔
شہیدان وطن کی برسی کے موقع پر مالیگاؤں کے سماجی کارکن رضوان بیٹری والا نے اپنے ساتھیوں کے ہمراہ قدوائی روڈ پر برسوں سے ادھوری تعمیر پر آنسو بہارہی شہیدوں کی یادگار پر ان ساتوں شہیدوں کو خراج عقیدت پیش کیا۔
رضوان بیٹری والا نے موجودہ رکن اسمبلی تنقید کرتے ہوئے کہا کہ انتخابات کے موسم میں سیاستدانوں کو شہر کے سات شہید یاد آتے ہیں جبکہ برسوں سے ادھوری تعمیر ان شہدوں کی یادگار پر ان کا نام تک نہیں لکھا جا سکا۔
