شادی شدہ خاتون کی شکایت پر اورنگ آباد کے ایم آئی ڈی سی سڈکو پولیس تھانے میں خاتون نے شوہر شیخ اشفاق انور سمیت چار افراد کے خلاف مقدمہ درج کروایا ہے۔
خاتون کی شادی 15 ستمبر 2019 کو شیخ اشفاق سے ہوئی تھی۔ خاتون کا الزام ہے کہ شادی کے چند دن بعد ہی اسے ذہنی دباؤ کا سامنا کرنا پڑا اور سسرال کے لوگ اس سے مار پیٹ بھی کرتے تھے۔ یہی نہیں بلکہ شوہر شیخ اشفاق نے اپنی بیوی سے کہا کہ تم مجھے پسند نہیں ہو اور اُسے دو سالہ بیٹی کے ساتھ گھر سے نکال دیا۔ جس کے بعد خاتون اپنے میکے چلی گئی۔
بتایا جارہا ہے کہ اس واقعہ کے بعد جوڑے کو دوبارہ ملانے کی کئی کوششیں کی گئیں جو ناکام ثابت ہوئیں۔
یہ بھی پڑھیں:
خاتون نے اپنے شوہر کو فون کیا اور اپنے سسرال آنے کی خواہش کی لیکن شوہر نے اسے تین بار فون پر ہی طلاق دے دی۔ شوہر شیخ اشفاق انور سمیت چار افراد کے خلاف مقدمہ درج کر لیا گیا ہے۔
