Demolition Of 100 Years Old Buildingممبئی میونسپل کارپوریشن نے قدیم برطانوی دور کی عمارت کو منہدم کردیا

ممبئی میں قدیم دور کی ایک عمارت کو بی ایم سی نے مشمار کردیا ۔بتایا جارہا ہے کہ ملاڈ نامی اس علاقے میں اس قدیم عمارت کی وجہ سے گاڑیوں کی آمدورفت میں بڑی دشواریوں کا سامنا کرنا پڑ رہا تھا اسی وجہ سے اس عمارت کو منہدم کرنے کا فیصلہ کیا گیا۔Demolition Of 100 Years Old Building

ممبئی:ریاست مہاراشٹر کے دارالحکومت ممبئی کے ملاڈ ایس وی روڈ پر واقع 100 برس قدیم خستہ حال عمارت کو ممبئی میونسپل کارپوریشن کے پی نارتھ وارڈ نے منہدم کر دیا۔علاقے میں اس کی وجہ سے لوگوں کو ٹریفک کا سامنا کرنا پڑتا تھا۔۔ بی ایم سی کے اسسٹنٹ انجینئر پروین ملک اور سب انجینئر کاغذی اسپر کام کر رہے تھے قانونی پیچیدگیوں کے سبب اس عمارت کو منہدم کرنے میں کافی وقت لگا۔

آج کافی عرصے کے بعد میونسپل کارپوریشن نے اس عمارت کو منہدم کرنے کا فیصلہ کیا۔ اب بلڈوزر کی مدد سے عمارت کو گرانے کے بعد نہ صرف ایس وی روڈ پر ٹریفک کم ہو جائے گی بلکہ روڈ کی چوڑائی بھی بڑھ جائے گی۔ ایم پی گوپال شیٹی نے عمارت کے منہدم ہونے کے بعد ممبئی میونسپل کارپوریشن اور وارڈ آفیسر کرن ڈیگھاوکر اور ان کی ٹیم کا بھی شکریہ ادا کیا، عمارت کے لوگوں کا بھی شکریہ ادا کیا جنہوں نے تعاون کیا۔

عمارت کو منہدم کرنے کے لئے 25 پولیس اہلکار اور بی ایم سی کے 17 اہلکاروں کو معمور کیا گیا تھا۔ پی نارتھ وارڈ کے اسسٹنٹ کمشنر کرن ڈیگھاوکر نے بتایا کہ یہ عمارت انگریزوں کے دور میں بنائی گئی تھی جگل کشور نامی یہ عمارت 1923 میں تعمیر ہوئی تھی۔ یہ 100 برس پرانی ہے، جو مکمل طور پر خستہ حال تھی اس میں کل 31 مکین رہتے تھے۔

عمارت کو گرانے کے لیے 50 مزدور، 17 بی ایم سی افسران، 2 فوکل لائنز، ایک جی سی بی، 10 ڈمپر اور 25 پولیس اہلکار مصروف عمل ہیں۔ 24 گھنٹے میں عمارت گرانے کے بعد ملبہ ہٹانے کا کام بھی کیا جائے گا۔ملاڈ ایس وی روڈ کے درمیان میں عمارت ہٹنے کی وجہ سے اب لوگوں کو ٹریفک سے راحت ملے گی۔