تھانے کے میئر نریش مسکے نے کہا کہ 'ہمارے پاس ملازمین کی تنخواہ اور ٹیکس سے متعلق کئی کھاتے ہیں۔ یہ سب عوام کا پیسہ ہے اور ہم نے ہدایت دی ہے کہ یہ کھاتے نجی بینک کے بجائے سرکاری بینک میں رکھے جائیں۔'
انہوں نے کہا کہ 'ہم نے اسٹیٹ ہوم ڈپارٹمنٹ کے حکم پر عمل کیا ہے اور اگر ان بینکوں میں سے ایک بینک ایکسس ہے تو یہ محض اتفاق ہے۔'
جب ان سے سوال کیا گیا کہ شیوسینا کی رہنما پرینکا چترویدی اور سابق ریاستی وزیر اعلیٰ امرتا فڑنویس کے درمیان لفظی بحث و تکرار کے سبب یہ فیصلہ کیا گیا ہے تو انہوں نے کہا کہ 'یہ دانستہ طور پر کیا گیا فیصلہ نہیں ہے اور اگر نجی بینک، ایکسس ہے تو یہ محض ایک اتفاق ہے۔'
