ادھو ٹھاکرے دہلی پہنچے

مہاراشٹر کے وزیر اعلی ادھو ٹھاکرے وزیر اعظم نریندر مودی، کانگریس کی عبوری صدر سونیا گاندھی اور بی جے پی کے رہنما ایل کے اڈوانی سے دہلی میں ملاقات کریں گے۔

شیوسینا کے سینیئر رہنما سنجے راوت نے بتایا کہ 'ادھو ٹھاکرے دہلی میں وزیر اعظم نریندر مودی، سونیا گاندھی اور ایل کے اڈوانی سے ملاقات کریں گے۔'

انہوں نے بتایا کہ 'ادھو جی اور وزیر اعظم مودی کے مابین خوشگوار تعلقات رہے ہیں۔ ان کے درمیان بڑے بھائی اور چھوٹے بھائی کا رشتہ برقرار ہے۔'

راوت نے کہا کہ 'ادھو ٹھاکرے سونیا گاندھی سے بھی ملاقات کریں گے کیونکہ کانگریس مخلوط حکومت کا حصہ ہے۔ وہ ایل کے اڈوانی سے بھی ملیں گے'۔

مہاراشٹر کا وزیر اعلی بننے کے بعد یہ ادھو ٹھاکرے کا دہلی کا پہلا دورہ ہے۔