مہاراشٹر سیاسی بحران پر سپریم کورٹ کا فیصلہ کل

ریاست مہاراشٹر میں جاری سیاسی بحران کے بعد شیوسینا، این سی پی اور کانگریس نے مشترکہ طور پر دیویندر فڑنویس اور اجیت پوار کی حلف برداری کے خلاف سپریم کورٹ میں عرضی داخل کی تھی۔

سپریم کورٹ نے مہاراشٹر سیاسی بحران پر اپنا فیصلہ محفوظ کرلیا ہے ، سپریم کورٹ کل صبح ساڑھے دس بجے فیصلہ سنائے گا۔

جسٹس این وی رمن،جسٹس اشوک بھوشن اور جسٹس سنجیو کھنہ کی خصوصی بینچ نے سبھی متعلقہ فریقوں کی دلیلیں سننے کے بعد کہا کہ وہ کل صبح ساڑھے دس بجے اس معاملے پر اپنا فیصلہ دےگی۔
شیوسینا این سی پی کانگریس اتحاد نے جلد ہی فلور ٹیسٹ کرانے کا مطالبہ کیا جبکہ مہاراشٹر حکومت نے عدالت سےاس کےلئے کم ازکم 14دن دینے کی اپیل کی