Nine People Killed in Truck Van Collision ممبئی گوا ہائی وے پر ٹرک اور کار میں تصادم میں نو افراد ہلاک

مہاراشٹر کے رائے گڑھ ضلع میں ممبئی گوا ہائی وے پر ایک حادثے میں نو افراد ہلاک ہو گئے۔ ہلاک ہونے والوں میں ایک بچی، تین خواتین اور پانچ مرد شامل ہیں۔ Nine People Killed in Truck Van Collision

ممبئی: ممبئی-گوا ہائی وے پر جمعرات کی صبح ایک سڑک حادثے میں 9 لوگوں کی موت ہو گئی۔ یہ خوفناک سڑک حادثہ ممبئی-گوا ہائی وے پر منگاؤں کے قریب صبح 4.45 بجے پیش آیا۔ پولیس سپرنٹنڈنٹ سومناتھ کھڑگے نے بتایا کہ متاثرین وین میں رتناگیری ضلع کے گوہاگر جا رہے تھے، تبھی ایک تیز رفتار ٹرک نے ٹکر مار دی اور یہ حادثہ پیش آیا۔

تصادم اتنا زوردار تھا کہ کار کے پرخچے اڑ گئے اور اس میں بیٹھے مسافروں نے دم توڑ دیا۔ رائے گڑھ ضلع کے ایس پی سومناتھ کھڑگے نے بتایا کہ اس حادثے میں 5 مرد، 3 خواتین اور ایک لڑکی سمیت 9 لوگوں کی موت ہوئی ہے۔ فی الحال پولیس افسر نے بتایا کہ ایک چھوٹا لڑکا زخمی ہے، جسے علاج کے لیے منگاؤں سب ڈسٹرکٹ ہسپتال بھیجا گیا ہے۔ ہائی وے پر ٹریفک اب بحال کر دی گئی ہے اور واقعے کی تحقیقات کی جا رہی ہیں۔

یہ حادثہ ممبئی سے 130 کلومیٹر دور رائے گڑھ کے ریپولی گاؤں میں صبح پیش آیا۔ پولیس سپرنٹنڈنٹ سومناتھ گھارگے نے بتایا کہ مقتولین کے تمام رشتہ دار وین میں رتناگیری ضلع کے گوہاگر جارہے تھے، جب کہ ٹرک ممبئی کی طرف جا رہا تھا۔ پولیس افسران نے یہ بھی بتایا کہ' حادثے میں نو لوگوں کی موت ہو گئی۔ مرنے والوں میں ایک بچی، تین خواتین اور پانچ مرد شامل ہیں۔” انہوں نے بتایا کہ واقعہ کی اطلاع ملتے ہی پولیس موقع پر پہنچی اور امدادی کارروائی شروع کی۔ حادثے میں زخمی ہونے والی چار سالہ بچی کو منگاؤں کے ایک اسپتال لے جایا گیا ہے۔ اہلکار نے بتایا کہ لاشوں کو پوسٹ مارٹم کے لیے سرکاری اسپتال بھیج دیا گیا ہے۔