مہاراشٹر کے شہر مالیگاؤں میں واقع بڑا قبرستان کا شبِ برأت کے پیش نظر پولیس انتظامیہ کے اعلیٰ افسران نے دورہ کرتے ہوئے جائزہ لیا۔ Senior Police Officers Visits Graveyard
اس سال 18 مارچ 2022 کو شبِ برأت کا انعقاد ہوگا، شبِ برأت کے موقع پر لاکھوں کی تعداد میں فرزان توحید قبرستانوں میں جاکر اپنے مرحومین کے لیے دعائیں مغفرت کرتے ہیں اور مساجد میں رات بھر عبادت میں مشغول ہوکر اپنے رب سے توبہ استغفار کرتے ہیں۔
شبِ برأت پر کسی بھی طرح کی بد نظمی یا لاپرواہی نہ ہوں اس لیے انتظامیہ مستعد ہے، اس تعلق سے آج ایڈیشنل ایس پی چندر کانت کھانڈوی و دیگر پولیس افسران نے حمیدیہ مسجد بڑا قبرستان کا دورہ کیا اور تمام حفاظتی اقدامات کا جائزہ لیا۔
اس تناظر میں ایڈیشنل ایس پی چندر کانت کھانڈوی نے کہا کہ شب برات سے پہلے قبرستان کے اطراف کے پورے علاقوں کی بم ڈسپوزل محکمہ کے ذریعے جانچ کی جائے گی. اور قبرستان کے تمام داخلی راستوں پر پولیس اہلکار تعینات کئے جائیں گے۔ انہوں نے کہا کہ آج سے قبرستان میں جس بھی کسی کی سواری کو داخل ہونے کی اجازت نہیں ہوگی۔
یہ بھی پڑھیں: مالیگاؤں: شب برأت کے پیش نظر شہری و پولیس انتظامیہ کی تیاری
اس موقع پر موجود ایڈووکیٹ نیاز لودھی نے کہا کہ 2006 میں قبرستان کے اندر سائیکل کھڑی کی گئی پھر دھماکہ ہوا جس میں 35 سے زائد افراد شہید ہوگئے تھے۔ اس لیے عوام قبرستان آنے کے لیے اپنی سواری نہ لائیں۔
انہوں نے کہا کہ یہ تمام انتظامات عوام کی سہولیات کے لیے کیا جارہا ہے اس لیے مسلمانانِ شہر انتظامیہ کے ساتھ تعاون کرے۔
