ممبئی: پی ایم ایل اے کی ایک خصوصی عدالت نے مضافاتی گورے گاؤں میں پاترا چال کی تعمیر نو میں مالی بے ضابطگیوں کے مبینہ منی لانڈرنگ کے معاملے میں شیوسینا کے رکن پارلیمنٹ سنجے راوت کی عدالتی تحویل میں 5 ستمبر تک توسیع کر دی ہے۔ راوت کو انفورسمنٹ ڈائریکٹوریٹ (ای ڈی) نے یکم اگست کو ان کی اور ان کے کاروباری ساتھیوں کی جائیدادوں کو کرک کرنے سے پہلے گرفتار کیا تھا۔ Sanjay Raut judicial custody extended till September 5
یہ بھی پڑھیں: Money Laundering Case: سنجے راوت 22 اگست تک عدالتی حراست میں رہیں گے
چار چار دن کے لیے دو بار ای ڈی کی حراست میں رہنے کے بعد ایجنسی نے کہا کہ اب انہیں حراستی جانچ کے لیے ان کی ضرورت نہیں ہے اور اسی کے مطابق راوت کو 8 اگست کو عدالتی حراست میں بھیج دیا گیا تھا اور اس کے کچھ دن بعد اسی معاملہ میں ان کی بیوی ورشا سے بھی پوچھ گچھ کی گئی تھی۔ ای ڈی نے گزشتہ ماہ سنجے راوت کی بیوی ورشا راوت سے اس کیس کے سلسلے میں نو گھنٹے سے زیادہ پوچھ گچھ کی اور ان کا بیان ریکارڈ کیا۔ سنجے راوت (60) شیوسینا کے صدر اور مہاراشٹر کے سابق وزیر اعلیٰ ادھو ٹھاکرے کے قریبی ساتھی ہیں۔
یواین آئی
