ریاست مہاراشٹر کے وزیر صحت راجیش ٹوپے نے مزید کہا کہ شہری پابندیوں کی حمایت کر رہے ہیں مگر مجھے اطلاع ملی ہے کہ ضابطہ اخلاق کی دفعہ 144کی کچھ لوگ خلاف ورزی بھی کر رہے ہیں۔
ریاست میں کورونا سے پیدا ہونے والی صورتحال پر نظر رکھے ہوئے ہیں اس کے پھیلاو کو روکنے کے لئے حکومت ہر ممکن کوشش کر رہی ہے۔
پابندیوں میں یکم مئی کے بعد توسیع کرنے کے متعلق فیصلے کو حتمی شکل دینے کے بعد ہی اعلان کیا جائے گا۔
وزیرصحت نے کورونا پر قابو پانے کے لئے لوگوں کی نقل و حرکت پر سخت اقدامات پر زور دیتے ہوئے کہا کہ اگر کورونا پر قابو پانا ہے تو ہمیں سخت فیصلے لینے ہوں گے۔
